Kampionati Amator Individual i Pingpongut

Amator n’Tavolin – Kampion n’Zemër

Kampionati Amator Individual i Pingpongut – 21 Shtator 2025

Tiranë – Më 21 shtator 2025, në ambientet sportive të shkollës “Murat Toptani”, do të zhvillohet Kampionati Amator Individual i Pingpongut, aktivitet me karakter mbarëkombëtar që ka mbledhur 42 pjesëmarrës – 36 nga Shqipëria dhe 6 mysafirë nga Kosova.

Ky turne, i organizuar nga PingPro, synon të promovojë pingpongun si sport social dhe konkurrues, duke ofruar një hapësirë të hapur për të gjithë dashamirësit e këtij sporti.

📌 Formati i garës

Ndeshjet në grupe: “round robin”, me fituesin që përcaktohet kush arrin 2 sete.

Faza finale: eliminim direkt (knock-out), me fituesin kush arrin 3 sete.

Nga ky kampionat nuk fitohet vetëm një trofe, por mbi të gjitha miqësi, njohje dhe shoqërizim. Eventi synon të përçojë vlerat olimpike të respektit, fair-play dhe përkushtimit, ku nuk ka rëndësi rezultati final, por mbi të gjitha mundi, përpjekja dhe pasioni që çdo pjesëmarrës sjell në tavolinë.

Organizatorët theksojnë se aktiviteti vjen i konceptuar për të forcuar kulturën sportive dhe miqësinë mes qyteteve e sportistëve.

🏓 Amator n’Tavolin – Kampion n’Zemër është slogani që shoqëron këtë event, duke përcjellë mesazhin se dashuria për sportin dhe shpirti i garës janë në qendër të gjithçkaje.